MAA – Khuda ka Insaan Rupi Chera

  • SumoMe

 

Lagta hai jaise iss ek shabd me hi puri dunyia simat jati hai,

Dilati  hai humesha sukh ka ehsaas pal me hi dukho ko dur kar jaati hai .

Le leti hai samandar ki tarah mujhe apne aaghosh mein,

Kabhi apne aanchal ki chhao me sulati hai.

Loori gakar thoda sa itrakar mujhe hasati hai ,

Phir wahi masumiyat uske chere par nazar aati hai

Yehi hoti hai ‘Maa’ jo baagvaan bankar apne phool rupi bacche ko duniya me jeena sikhati hai.

 

Na suraj ki garmi,na sard hawoon ki thandi uski mamtaa me koi badlaav la pati hai,

Khadi chattaan ki tarah, mushkilo se lad jati hai,

Aanch tak nahi aane deti mujh par saare gamo ke ghoont khud hi pee jati hai

Yehi hoti hai ‘Maa’ jo khud kathinaiyoon ki aag me jalkar, hume sukh ke bistar par sulati hai.

 

Zindagi ke har mod par ek sacche dost ki tarah sath nibhati hai,

Aur mere dushman ke liye durga ban jati hai.

Khud bhuki rehkar mujhe pet bhar khilati hai.

Yehi hoti hai ‘Maa’ jo khud angaaro par chal kar hume chand ki lalima ka ehsaas karati hai.

 

Karta hu me Shat-Shat naman khuda ke is roop ko jisne sikhaya mujhe pyaar karna har insaan ko.

 

Na bair rakhna kisi se yehi sikhlati hai,

Hosle buland rakhna yehi path padati hai,

Yehi hoti hai ‘Maa’ jo meri har galti ko maaf kar apne prem ke aanchal me samet le jati hai.

 

Karta hu Salaam me har ‘Maa’ ko jisne jeena sikhaya apni santaan ko,Aaj khada hai khud apne pairoo par yehi hai sabse bada tofa har maa ka apni santaan ko.

 

Dedicated to all MOTHERS

Mayur Rastogi

Image Source: [http://photohome.com/pictures/baby-pictures/mother-and-child-1a.jpg]

Share : Share on FacebookTweet about this on Twitter
Read previous post:
Kashmir
Exploring Heaven!!

Summer vacations have just started. Everyone is busy planning their vacation to one or the other destination, one thing that...

Close