Musaafir

  • SumoMe

Kandhe -se-kandha milakar duniya ki raahon ko apna banakar,
kaanto ke gheroo se vicharoo ke bandhishon se nikalkar woh
aage bhadta gaya;

Sehta raha waqt ki maar woh phir bhi raahon ke kinaroo par chalta gaya,
Baar-baar gir kar uthta gaya aur kehta gaya
“Musaafir hoon mein rukna mera kaam nahi,
manzil ko pana lakshya hai mera aur koi armaan nahi.”

Dunyia ka safar tab shuru hua jab suraj ki kiran ka pheli dhadkan se milan hua,
lag raha tha bina hathiyaar ke maidan-e-jung me khada hai woh na koi sahara
bas vicharoo ke ghere me ghira hai woh.

Aaishta-aaishta zindagi ka kaarwan badhta gaya use sath lekar chalta gaya,
bada hua samay ke sath wo zindzgi ke usuloon mein fasta gaya.

Na khauf tha usse aage ke safar ka,na intezaar tha samay ke rukne ka,
manzil ka sapna liye woh aage badhta gaya.

Chalte-chalte jimme-dariyon ki raahon par yahi sochta raha,
na jaane kis dagar kis mod par use apni manzil mil jaayegi
haath aayegi zindgai ya maut apne aaghosh me le jaayegi.

Kat ta gaya ek-ek din uski zindagi ka, dhire-dhire umar ke haatho
majbur hota gaya,
har pal har lamha yahi kehta gaya-
“Musaafir hoon mein rukna mera kaam nahi,
manzil ko pana lakshya hai mera aur koi armaan nahi.”

Mayur Rastogi

*This piece has been selected as a Winning Entry for the ‘Viewspaper Express Yourself Writing Competition’*

Share : Share on FacebookTweet about this on Twitter
Read previous post:
What the World Cup Meant to India

When was the last time you saw frenzied crowd on the road, completely lost under the spirit of being an...

Close